لماذا الاستبيان ولماذا اليوم؟

 
أولا بارك الله بكل الشباب اللي عم تحاول تساعد اخوتها من العسكريين المتقاعدين، وبالطريقة اللي بتلاقيها مناسبة، الموضوع اليوم ابعد من الحقوق والدفاع عن الحقوق اللي هي خط احمر وما رح نسمح لحدا يدق فيها، الموضوع اليوم هوي كيف يمكن ان نبقى احياء في ظل الكارثة الاجتماعية والاقتصادية والمالية، هذا هو جوهر “التضامن الاجتماعي” وهيدا عمل جبار وبده جهد استثنائي ويجب ان تقوم به المؤسسات قبل الافراد.
امثلة عديدة عما نحتاج اليه اليوم، البطاقة التموينية، اللقاح، الطبابة، الادوية، فرص العمل، المساعدات الاجتماعية والمدرسية والمالية، التعاونيات…. قيادة الجيش والاسلاك العسكرية عم تساعد الرابطة لتنفذ جزء من هالمواضيع، وحقكم انتوا تاخدوا حقكم متلكم متل غيركم.
كل هالأمور وغيرها هني السبب وراء الاستبيان ولنعرف رايكم بالموضوع ولنعرف شو لازم ينعمل قبل ما ننتسب وبعد ما ننتسب، وكل اللي شارك بالاستبيان قال وبصوت عالي نعم نحنا جاهزين لإحداث التغيير المطلوب بالرابطة لتصير قادرة تقوم بواجباتها واهمها ترسيخ التضامن الاجتماعي ضمن مجتمع العسكريين المتقاعدين.
وبالوقت نفسه بنشد عايد كل جمعية او مجموعة او جماعة او فرد او افراد قادرين يساعدوا وجاهزين يساعدوا
اخوتي عمل الخير بيساع الكل ولخير الكل لازم يكون، ولما بيدق النفير لننزل عالارض لندافع عن الحقوق رح ننزل كلنا لهيك لازم نميز بين الدفاع عن الحقوق وبين التضامن الاجتماعي وهيدا هوي جوهر التكامل اللي عم ندعي ليكون قائم بين الرابطة والحراك.
خيي المتقاعد بدك تساعد وقادر تساعد او بحاجة للمساعدة وكرامتك وعزة نفسك ما بتسمحلك تطلب المساعدة ، لازم تفتش وين تحط جهدك، وقبل كل شي لازم تفتش عن مين هوي مسؤول اصلاً ورغم عنه انو يساعدك لانك محتاج للمساعدة ومن دون ان تضطر لطلب المساعدة.
للأفراد الذين يجهدون في سبيل الغير ومن دون مقابل، أقول أحسنتم والى الامام والى المزيد من التعاضد والتآزر
والى كل مجتمع العسكريين المتقاعدين، رايكم بيهمنا ووجعكم بيهمنا
قولوا الله، وهيّا الى العمل
العميد بومعشر
 

قم بكتابة اول تعليق

Leave a Reply