قلت لحالي يللا بسيطة مش محرزة😂😂😂

قلت لحالي يللا بسيطة مش محرزة😂😂😂

-زاد سعر بطاقة الهاتف المسبق الدفع ١٠٠٠ ليرة وان ضرباتها ب 12 شهر يعني 12.000 ليرة قلت لحالي يللا بسيطة مش محرزة

– شركات النت غيرت في مواصفات الباقات بحيث لم تعد تكفي فاضطررت للانتقال من باقة ال…٢٧ الى باقة ال٤٠.٠٠٠ بزيادة ١٣٠٠٠ شهريا وان ضرباتها ب 12 شهر يعني 480.000 ليرة
قلت لحالي يللا بسيطة مش محرزة.

-تغيير لوحة السيارة يكلف ٥٢.٠٠٠.
قلت لحالي يللا بسيطة مش محرزة

-زادت الرسوم في أغلب المعاملات الرسمية والحساب مفتوح من طوابع لكل المعاملات والضرائب المباشرة والغير المباشرة والجمارك
قلت لحالي يللا بسيطة مش محرزة.

-في كل اسبوع تقريبا يزداد سعر البنزين ٢٠٠ ليرة.
قلت لحالي يللا بسيطة مش محرزة

-الاقساط المدرسية ستزيد انطلاقا من ٥٠٠.٠٠٠ ليرة على الاقل .
والكتب والقرطاسية والنقل للتلميذ زاد ٤٥٦٠٠٠ ليرة قلت لحالي يللا بسيطة مش محرزة

– زادت الtva على المشتريات من 10% إلى 11% يعني 1 % على معظم المشتريات يعني حوالي 25$ بالشهر لمحدودى الدخل يعني 300 $ بالسنة لمحدودي الدخل.
قلت يلا بسيطة مش محرزة. رح خفف مشتريات الكماليات ومنشتريها عند الضرورة.

– زاد سعر الألبان والاجبان على أنواعها بحوالي 25% بعد التعليب قلت مش محرزة 200$ بالسنة بيزمطوا و منجيب ع الحاجة ومنخفف الاستهلاك.

يللي صار باختصار انو اذا جمعنا كل الزيادات “المش محرزة” بالآخر بيطلع مبلغ كبير “محرز ” يعني تقريبا 3.500.000 ليرة يعني كل سنة 2350 دولار في حين انني كمتقاعد نلت زيادة ١٠٠٠٠٠ ليرة بالشهر اي ١٢٠٠٠٠٠ليرة بالسنة وهيدي اكيد مش محرزة ٠

لهيك مش محرزة نضل هيك لازم تكون عنا هيئة وطنية للمحاربين القدامى وتكون محرزة تتدافع عن حقنا والا راح نضل كل حياتنا عايشينها مش محرزة ٠

*المهم طمنوني الزعيم بخير؟*
او مش محرزة ٠

قم بكتابة اول تعليق

Leave a Reply